Nasikop ang usa ka 27 anyos na construction worker atol sa gikasa nga hiniusang operasyon sa mga personahe sa kapulisan mga alas 9:55 ang takna sa buntag niadtong Pebrero 2, 2026, didto sa Sitio San Roque, Barangay Poblacion, Kalawit, Zamboanga del Norte.
Ang maong dinakpan naila nga usa ka 27 anyos nga lalaki, ulitawo, usa ka construction worker,nailhang Other wanted person ug residente sa Cabong Sur, Naga, Zamboanga Sibugay kinsa gidakop pinaagi sa mga personahe sa Tracker Team sa 2nd Zamboanga del Norte Provincial Mobile Force Company (Lead Unit) uban sa koordinasyon sa Kalawit Municipal Police Station, 901st Regional Mobile Force Battalion 9, ug sa Zamboanga del Norte Police Intelligence Unit.
Ang pagkasikop gihimo pinasikad sa Warrant of Arrest nga gi-isyu sa Regional Trial Court, Ninth Judicial Region, Branch 28, Liloy, Zamboanga del Norte, nga gipetsahan Septiyembre 14, 2021, nga adunay girekomendar nga piyansa nga P6,000.00 alang sa temporaryong kagawasan.
Ang dinakpan gipahibalo sa iyang mga katungod sa konstitusyon ug anti-torture warning,homan gidala sa Kalawit Rural Health Unit alang sa medical examination, ug anaa na kini karon sa kustodiya sa Kalawit Municipal Police Station alang sa hustong disposisyon.(MEDALYN U. BORJA)
Source: ZNPPO