Dakpan ang usa ka Newly identified Street Level Individual atol sa gikasa nga drug buy-bust operation didto sa Sitio Rebe, Barangay Poblacion, Godod, Zamboanga del Norte,niadtong Pebrero 5, 2026, gikan sa alas 12:12 sa kaadlawon hangtod alas 2:40 sa kaadlawon.
Naila ang dinakpan nga usa ka 38 anyos nga lalaki, adunay live-in partner,nagtrabaho isip empleyado sa LGU sa Godod, ug residente sa Barangay Poblacion West, Salug, Zamboanga del Norte.
Ang operasyon gihimo uban sa pre-coordination sa PDEA ubos sa COC No. 10-00-02042026-011, gamit ang Control Word (CW): PORK ug Pre-arranged Word (PW): SINAMPALUKAN, uban sa RID-9 Clearance No. 2026-02-291 pinaagi sa mga personahe sa Municipal Drug Enforcement Team (MDET) sa Godod Municipal Police Station (Lead Unit).
Nakumpiska gikan sa suspek atol sa operasyon mao ang Usa ka piraso nga gamay ug transparent nga plastik nga sachet nga adunay sulod nga puti nga kristal nga substansiya nga gidudahang shabu, nga gigamit isip buy-bust item, Upat ka piraso sa heat-sealed nga gagmay ug transparent nga plastic sachet nga adunay sulod nga puti nga kristal nga substansiya nga gidudahang shabu, isip mga butang nga gipanag-iya, Usa ka piraso nga walay sulod nga transparent nga plastik nga sachet nga gigamit nga sudlanan, Usa ka piraso nga disposable lighter,Usa ka P500.00.nga gigamit isip buy-bust/marked money, Usa ka piraso nga pakete sa sigarilyo nga New Berlin pula ug puti,Usa ka unit nga Kawasaki nga motorsiklo ug Usa ka piraso nga yawe sa motorsiklo.
Ang nakumpiska nga gidudahang ilegal nga droga adunay kinatibuk-ang gibug-aton nga 0.7 gramos, nga gibanabanang nagkantidad ug P4,760.00.
Ang dinakpan gipahibalo sa hinungdan sa iyang pagkadakop ug katungod sa konstitusyon ug ang mga nakumpiska nga mga butang sa droga itugyan ngadto sa Zamboanga del Norte Provincial Forensic Unit (Liloy Satellite Office) alang sa laboratory examination.
Samtang ang dinakpan gidala sa Godod Rural Health Unit alang sa medikal ug pisikal nga eksaminasyon ug karon anaa sa kustodiya sa Godod Municipal Police Station alang sa hustong disposisyon ug pagpasaka sa kasong paglapas sa Republic Act No. 9165.(MEDALYN U. BORJA)
Source: ZNPPO