Dakpan ang usa ka bag-ong nailhan nga Street Level Individual atol sa gikasa nga buy-bust operation sa mga personahe sa kapulisan mga alas 5:15 ang takna sa hapon hangtod sa alas 6:14 ang takna sa kagibhion niadtong Enero 25,2026, didto sa Purok 1, Brgy. Diland, Mutia, Zamboanga del Norte.
Ang maong dinakpan nga suspek naila nga usa ka 36 anyos, lalaki, adunay live-in partner, walay trabaho, newly identified SLI ug residente sa susamang lugar ,gidakop pinaagi sa mga personahe sa Mutya MPS tungod sa kasong paglapa sa R.A 9165.
Nakumpiska gikan sa suspek atol sa operasyon mao ang usa ka gamay nga heat-sealed transparent plastic sachet nga adunay sulod nga puti nga crystalline granules nga gituohang shabu (buy-bust item), tulo ka gagmay nga heat-sealed transparent plastic sachet nga adunay sulod nga parehas nga substansiya (possession), usa ka Php 500.00 nga kwarta isip buy-bust money, usa ka puti nga Infinix Smart 8 cellphone nga adunay SIM card, usa ka walay sulod nga Winston cigarette pack nga gigamit nga sudlanan, usa ka coin pouch nga kolor puti ug itom, ug usa ka Kawasaki 125 Baja motorcycle nga kolor itom nga adunay Plate No. 090103 nga adunay yawe.
Gibana-bana nga mutimbang sa 3.3 gramos ang gibug-aton sa gituohang shabu nga adunay gibanabanang kantidad nga balor sa Php 22,440.00.
Ang dinakpan gipahibalo sa hinungdan sa iyang pagkadakop ug katungod sa konstitusyon sa pinulongan nga iyang nasabtan, ug detinado na kini karon sa bilanggoan.(MEDALYN U. BORJA)
Source: ZNPPO