Tanggong karon sa prisohan homan masikop ang usa ka 26 anyos nga security guard nga nag atubang sa kasong Direct assault atol sa gikasa nga joint operation sa mga personahe sa Tracker Team sa Katipunan MPS, uban sa 1st ZNPMFC,mga ala 1:30 ang takna sa hapon nidtong Enero 25,2026, didto sa Sitio Cunawon, Brgy. Sitog, Katipunan, Zamboanga del Norte.
Ang maong dinakpan naila nga si alyas “Boknoy”26 anyos, lalaki, guwardiya, ug residente sa susamang Barangay kinsa gidakop pinaagi sa bisa sa warrant of Arrest alang sa kasong Direct Assault (RPC Art. 148) nga may kalabotan sa Strong Police Presence, nga gi-isyu ni Hon. Maricon D. Dumagat-Duka, Presiding Judge, MTC, 9th Judicial Region, Katipunan-Sergio Osmeña, nga gipetsahan Enero 21, 2026, uban sa girekomendar nga piyansa nga mokabat sa Php 36,000.00 alang sa iyang temporaryong kagawasan.
Ang dinakpan nga wanted person gipahibalo sa iyang mga katungod konstitusyonal ug karon anaa sa kustodiya sa Katipunan MPS alang sa hustong disposisyon ug dokumentasyon.(MEDALYN U. BORJA)
Source: ZNPPO