Usa ka 48-anyos nga lalaki ang gipusil patay sa wala mailhing suspetsado nga nagsakay ug motorsiklo kaniadtong Nobyembre 23, 2025, alas-6:50 sa buntag sa Purok 2, Barangay Langatian, Pres. M.A. Roxas.
Sumala sa inisyal nga pagsusi sa Roxas Municipal Police Station, ang biktima taga-Barangay Villaramos, Manukan, Zamboanag del Norte ug giingong gipusil gamit ang kalibre 45 nga pistola sa suspek nga mitrabaho dayon ug dagan palayo sa lugar. Giluwas pa ang biktima ug gidala sa Corazon Aquino Hospital, apan gipahayag sa doktor nga patay na kini pag-abot.
Padayon karon ang lawom nga imbestigasyon sa kapulisan, lakip na ang pagkolekta ug ebidensya ug pagkuha sa CCTV footage gikan sa duol nga establisyemento ug mga balay aron matabang sa pag-ila sa suspetsado.
Gipasiguro sa Roxas Municipal Police Station nga ilang buhaton ang tanang lakang aron masulbad ang kaso ug madala ang responsable ngadto sa hustisya.(IKEN B. GULLEM)
Source: Pres. Manuel A Roxas Municipal Police Station-ZNPPO