Aron masulbad ang kakulang sa access sa serbisyo sa kabanikanhan, gibalhin mismo sa barangay level ang pagparehistro sa National Coconut Farmers Registry System (NCFRS) sa Philippine Coconut Authority (PCA) pinaagi sa R-PSB Team sa Zamboanga del Norte 2nd Provincial Mobile Force Company (PMFC).
Gipahigayon ang aktibidad sa Covered Court sa Barangay Cocob kauban ang COCOB Alsa Masa Farmers Association, ubos sa liderato ni PLTCOL Edwin D. Verzon, diin direkta nga gi-assist ang mga mag-uuma sa pagkompleto sa ilang registration ug gipasabot ang mga benepisyo nga kalakip niini.
Sumala sa R-PSB Team, daghan pa sa mga mag-uuma sa rural areas ang napugos og kalisod sa pag-access sa mga programa sa gobyerno tungod sa kakulang sa impormasyon ug distansya, mao nga gihimo ang community-based registration aron mapadali ang serbisyo.
Kini nga NCFRS registration giila nga entry point sa lain-laing suporta sama sa coconut planting materials, scholarship programs, skills training, ug uban pang agricultural interventions sa gobyerno.
Gipaila usab sa aktibidad ang Expanded Government-Based Upliftment (EGBU) Program sa provincial government, nga nagtumong sa pagpalapad sa livelihood ug development opportunities sa mga mag-uuma ug rural households.(IKEN B. GULLEM)
Source: Zamboanga del Norte 2nd PMFC