Mipakita og aktibong partisipasyon ang Department of Agrarian Reform (DAR) Zamboanga del Norte sa regional convergence meeting nga gitumong sa pagpaspas sa distribusyon sa Certificates of Condonation with Release of Mortgage (COCROM) ug farm machinery equipment (FME) alang sa mga agrarian reform beneficiaries sa Zamboanga Peninsula.
Gipangunahan ang online coordination sa DAR Regional Office ubos ni Regional Director Atty. Ramon E. Madroñal Jr., kauban si ARDO Engr. Agnes Y. Maatta ug mga representante sa provincial offices, lakip ang DAR Zamboanga del Norte nga gi-representar ni PARPO II Daisy Dell S. Digamon.
Sumala sa DAR, ang miting nagtutok sa final nga preparasyon alang sa rehiyonal nga rollout sa COCROM ug farm machinery, nga giila isip hinungdanong lakang sa pagpalig-on sa agrarian reform implementation ug pagpauswag sa panginabuhian sa mga mag-uuma.
Aktibo usab nga miapil sa koordinasyon ang mga DAR personnel lakip si Engr. Alfonso A. Tan (PARO I), Samuel Andrew A. Baliton, CPA (PCAO/CBTA Coordinator for Implementers), Teodulo J. Yanoyan Jr. (CARPO/LTID), ug Peter Paul R. Cajocon (MARPO), nga nagpakita sa hiniusang suporta sa implementasyon sa programa.(IKEN B. GULLEM)
Source: DAR Zamboanga del Norte Province