Gipahigayon sa Tampilisan National High School ang Nationwide Simultaneous School Safety Drill alang sa mga insidente sa active attack, uban ang suporta sa Tampilisan Municipal Fire Station, Tampilisan Municipal Police Station, ug Local Disaster Risk Reduction and Management Office sa Tampilisan.
Gitumong sa maong kalihokan nga mapalig-on ang kahandam ug koordinasyon sa mga magtutudlo, estudyante, ug emergency responders sa pag-atubang sa posibleng peligro sulod sa eskwelahan.
Atol sa drill, gipraktis ang hustong paghatag og pasidaan, komunikasyon, koordinasyon, ug pag-evacuate, lakip ang pag-monitor sa mga estudyante ug personnel ug dali nga paghatag og emergency assistance.
Pinaagi sa padayong drills, training, ug panagtambayayong sa nagkalain-laing ahensya, gipalig-on ang kahandam sa Tampilisan sa pagresponde sa mga emerhensiya ug pagpanalipod sa mga estudyante, magtutudlo, ug school personnel.(JENIFFER JR. DELICA)
Source: BFP R9 Tampilisan Municipal Fire Station