Gipadayon sa Local Government Unit of Piñan, pinaagi sa Municipal Agriculture Office, ang pag-apod-apod og bugas ubos sa Local Government Support Fund – Financial Assistance to Local Government Units o LGSF-FALGU sa mga household sa Barangay Del Pilar ug Barangay Bacuyong.
Gipanghatag ang bugas ngadto sa matag household sa duha ka barangay isip direktang tabang sa mga pamilya nga nakabenepisyo sa maong programa.
Pinaagi sa maong programa, gihatod sa LGU Piñan ang ayuda direkta sa mga barangay aron makatabang sa panginahanglan sa mga pamilya.
Gipasiugda sa LGU Piñan ang padayong paghatag og serbisyo ug suporta ngadto sa mga residente pinaagi sa mga programa nga gitumong sa kaayohan sa komunidad.(JENIFFER JR. DELICA)
Source: Mayor Rommel Gudmalin