Gipahigayon sa buhatan sa BJMP Dipolog City Jail Male Dormitory ang pagsaulog sa “National Correctional Consciousness Week Celebration 2024 alang sa mga Persons Deprived of Liberty (PDL)sulod sa pasilidad,Oktubre 22,2024.
Diin duyog sa pag selebrar niini ang Mayor ning dakbayan sa Dipolog nga si City Mayor Darel Dexter T. Uy, migahin ug donasyon nga 200 ka food packs nga naghatag ug sustansya,pagpabati ug pagpakabana ngadto sa mga indibidwal sulod sa pasilidad alang sa selebrasyon.
Sa samang higayon si Most Reverend Severeno C. Caermare Bishop sa Diocese of Dipolog City midonar og 151 ka sets sa packed meal (bugas, fried chicken ug lumpia) uban sa mga binotelyang ilimnon para sa tanang PDL ug duha (2) ka food trays para sa mga personnel niini nga pasilidad, nga giapod-apod usab isip pagsaulog sa iyang ika-55 nga adlawng natawhan,diin ang mga food packs gitunol ni Miss Marites Bael sa Prison Ministry, kauban ang 5 ka miyembro sa Diocese.
Pinaagi sa pagpangulo ni Jail Chief Inspector MANUEL U CALIBO, Warden, nipaambit kini ug pasalamat sa suporta ngadto sa PDL ug sa mga personahe sa maong pasilidad ilabi na sa pagpaambit sa mga panalangin sa espesyal nga adlaw, nakatandog sa daghang mga kasingkasing ug nanghinaot nga magpadayon nga mahimong tinubdan sa kahayag ug inspirasyon ngadto sa mga indibidwal sulod sa pasilidad.(Medalyn U. Borja)
Source: BJMP DIPOLOG CITY JAIL MALE DORMITORY