Nagpahigayon ang National Police Commission (NAPOLCOM) Regional Office IX og inspection, assessment ug monitoring sa Polanco Municipal Police Station sa Barangay Poblacion North, Polanco, Zamboanga del Norte aron masuta ang pagsunod sa estasyon sa mga polisiya sa operasyon ug administrasyon.
Gisusi usab atol sa kalihokan ang pagpatuman sa mga programa ug mga pamaagi sa estasyon aron matino ang mga aspeto nga kinahanglan pang mapaayo ug mapalig-on sa paghatag og serbisyo sa publiko.
Pinaagi sa maong monitoring, gipasiugda sa NAPOLCOM ug Philippine National Police ang kamahinungdanon sa propesyonalismo, accountability ug maayong pagdumala sa police service.
Gilauman nga ang padayon nga inspeksyon ug assessment makatabang sa pagpalambo sa performance sa estasyon ug sa kalidad sa serbisyo alang sa seguridad ug kaayohan sa komunidad.(JENIFFER JR. DELICA)
Source: Polanco Municipal Police Station