Usa ka individwal sikop sa hiniusang pwersa nga si alyas “Joseph” nga gikatahong nagpayuhot sa illegal nga druga didto sa Purok 1, Barangay Minlasag, Sibutad Zamboanga del Norte, sa may alas 12:50 sa buntag, June 02,2025.
Ang dinakpang suspek 31 anyos, ulitawo apan dunay kapuyo, walay trabaho,residente sa Purok 1 Barangay Minlasag Sibutad Zamboanga del Norte.
Ang buy- bust operation pinanguluhan sa mga personahe sa Sibutad CPS, uban usab sa koordinasyon sa MDET personnel, ZN PDEU, 901st MC RMFB9 and 1st ZN PMFC resulta sa daling pagkasikop sa suspek.
Ang mga nasakmit gikan sa posisyon sa dinakpan ang (1) usa ka gamay nga pakete nga adunay sulod nga gituhuang shabu, (4)upat ka medium size nga pakete nga adunay sa gihapon sulod nga gituhuang shabu. (2) usa ka tag 500 pesos nga tibuok isip buy-bust money nga adunay serial number HT742263 ug AR4090409 (1)usa ka unit nga keypad cellphone ug (1) usa ka unit sa REDMI celphone color itom.
Ang mga nakompiskang shabu adunay kinatibuk-ang timbang sa 1.5 gramos ug adunay banabanang nagkantidad sa standard drug price nga 10,200 ka pesos.
Ang mga nasakmit nga ebidensya gilayong giturn over sa ZN PROVINCIAL FORENSIC UNIT-9 para sa chemical nga examination.
Samtang ang suspetsado ang anaa na sa kostudiya sa Sibutad CPS ug mag atubang sa kasong paglapas sa RA 9165 kun Comprehensive Dangerous Drugs Act of 2002.(Angelica T. Obina)
Source: Sibutad CPS