Miapil ang lokal nga panggamhanan sa Mutia, pinangulohan ni Municipal Mayor Lorrymir S. Adasa, sa “Dialogue with NAST PHL Scientists – Lecture Series” nga gipasiugdahan sa Department of Science and Technology (DOST). Ang maong kalihokan nagtumong sa pagpasiugda sa kahibalo ug interes sa siyensya ug teknolohiya pinaagi sa pakig-uban sa mga iladong siyentista sa nasud.
Gipadayag ni Mayor Adasa ang iyang pagpasalamat sa DOST sa maong imbitasyon ug giingong dako ang iyang pagpasidungog sa higayon nga makapaminaw sa tulo ka maalamon nga siyentista — National Scientist Lourdes J. Cruz, Academician Jose Maria P. Balmaceda, ug Dr. Renier G. Mendoza, nga usa sa mga Outstanding Young Scientists 2024.
Gihingusgan usab ni Mayor Adasa ang pag-apil sa mga magtutudlo gikan sa Mutia aron maambit nila ang nakuha nga kahibalo sa ilang mga estudyante. Ang kalihokan nagpakita sa padayon nga paningkamot sa LGU Mutia sa pagpalambo sa edukasyon ug pagdasig sa kabatan-onan nga magmatinud-anon sa siyensya.(Jeniffer Jr. Delica)
Source/Photo Courtesy: Mutia LGU Mio(Municipal Information Office)