Nakig-partner ang mga Munisipyo sa Rizal ug Mutia, Zamboanga del Norte, sa Philippine International Trading Corporation o PITC pinaagi sa pagpirma og Memorandum of Agreement alang sa Agency-to-Agency procurement.
Girepresentahan ni Rizal Mayor Marissa D. Manigsaca ug Mutia Mayor Lorrymir S. Adasa ang ilang tagsa-tagsa ka munisipyo atol sa pagpirma sa kasabutan uban sa PITC.
Pinaagi sa maong kasabutan, motabang ang PITC sa procurement requirements sa duha ka lokal nga panggamhanan alang sa mga gikinahanglang goods ug services. Lakip sa suporta niini ang strategic sourcing, supplier coordination ug procurement facilitation.
Gitumong sa partnership nga mapadali ug mapauswag ang procurement process, samtang gipasiugda ang transparency, accountability ug husto nga paggamit sa pondo alang sa pagpatuman sa mga programa, proyekto ug serbisyo sa mga komunidad sa Rizal ug Mutia.(JENIFFER JR. DELICA)
Source: Philippine International Trading Corporation