Gipahigayon ang joint meeting sa Municipal Peace and Order Council o MPOC ug Municipal Anti-Drug Abuse Council o MADAC sa Piñan niadtong September 22, 2026, aron mapalig-on ang koordinasyon tali sa nagkalain-laing opisina ug stakeholders alang sa kalinaw ug seguridad sa komunidad.
Gipresentar ug gi-aprobahan atol sa miting ang POPS Plan 2027, nga maglatid sa mga programa, proyekto ug kalihokan alang sa peace and order, public safety ug paglikay sa illegal nga droga sa lungsod.
Gihisgutan usab ang pagpalig-on sa panaghiusa ug kooperasyon sa mga opisina ug stakeholders aron mas maayong matubag ang mga isyu nga may kalabotan sa kalinaw, kahapsay ug kaluwasan sa komunidad.
Pinaagi sa hiniusang pagplano ug padayon nga koordinasyon, gipadayon sa LGU Piñan ang mga paningkamot alang sa usa ka malinawon, luwas ug hapsay nga komunidad.(JENIFFER JR. DELICA)
Source: Mayor Rommel Gudmalin