Pinaagi sa kolaborasyon og pagpaningkamot gikan sa Philippine Coastguard Tungawan Sub-Station, Tungawan Municipal Police Station, Maritime Police Station, kauban ang 106th Infantry Battalion Delta Coy, Philippine Army, malampusong nagpahigayon og operasyon batok na sa smuggle nga sigarilyo sa Sitio Biha, Barangay Tungawan, Zamboanga Sibugay sa may alas 11:20 sa gabie kaniadtong nakalabayng semana Agosto 1, 2024.
Ang hiniusang operasyon misangpot sa pagbawi sa mahinungdanong kantidad sa mga produkto sa smuggle nga sigarilyo nga lakip ang 751 ka reams nga imported na Forts nga sigarilyo og 50 reams sa Berlin red nga sigarilyo, diin kini adunay gibanabana na presyo sa merkado nga mobalor sa PhP 402,500.00.
Ang mga abandonadong smuggle nga sigarilyo ang kini na diskubre-an sa dapit sa may bakhawan og ang awtoridad, ang paspas usab nga milihok og mi aksyon niini. Ang nabawi na mga butang ang gisiguro dayon na gidala sa Tungawan Municipal Police Station alang na sa tukmang disposisyon.
“Kining Malampuson nga Operasyon nagpasiugda sa dedikasyon og kooperasyon, sa mga ahensya sa tigpatuman sa balaod diha na sa pagpakig-gubat sa mga illegal na mga aktibidad og ingon man pagsiguro sa kaluwasan og seguridad sa kumonidad.
Ang mga pagpaningkamot diha na sa kolaborasyon sa Philippine Coast Guard, Philippine National Police, og sa Armadong Kusog sa Pilipinas, sa makausa napamatud-an na epektibo’ diha na sa pagpatunhay sa lagda sa balaod og pagpanalipod sa mga utlanan gikan sa mga illegal nga patigayon. “Sa Bagong Pilipinas, Ang Gusto ng Pulis, Ligtas Ka!” matud ni PBGEN BOWENN JOEY MASAUDING RD PRO9. (Angelica T. Obina)
(Source: Ryan Uy)