Si Mrs. Leah M. Macias, General Parents, Teachers Association (GPTA) President sa Dansalan Elementary School, emosyonal nga nagpasalamat ni Governor Nanay Nene Jalosjos, sa iyang mensahe pagtak-op sa Groundbreaking Ceremony sa Construction sa 1-Unit-3 Classroom Building, Agosto 1 ning tuig 2024.
Dako ang iyang pagpasalamat ni Governor Nanay Nene Jalosjos, ug sa suporta ni Provincial Administrator Wilberth “Gaw Jojo” Magallanes sa gihatag nga edipisyo alang sa kalidad nga edukasyon sa Dansalan Elementary School.
Dugang ni Macias, nga matinabangon gayod ug maluluy-on ang pamilya Jalosjos. Iya kining gipamatud-an sa dihang siya nagkasakit ug gidala sa tambalanan sa dakbayan sa Dapitan 18 na ka-tuig ang nilabay.
Emosyonal si Leah Macias, sa dihang misaysay sa iyang kasinatian kay dili niya malimtan ang dakong tabang ug kaayo ni Gobernor Nanay Nene ug kanhi Kongresista Cesar Jalosjos. Matod niya, nga sya naoperahan ug Gall Stone ug sa ilang ka wad-on wala gayod silay kwarta nga ikapa-opera. Nagpasalamat siya, tungod kay walay pagduha-duha ang pamilya ni Gobernor Jalosjos sa pagtabang kaniya, hinungdan nga siya malampusong naoperahan ug naabunohan pa ug dugo.
Saysay ni Macias, dili mabaylo sa bisan unsa pa nga bahandi ang mga natabang sa administrasyon ug sa pamilya Jalosjos. Dugang niya, dako kaayo ang iyang pasalamat sa paggamit sa Ginoo sa pamilya Jalosjos isip instrumento sa pagtabang sa mga naglisud.
Subling nagpasalamat si Mrs Macias, ni Governor Nanay Nene ug nanghinaot nga daghan pang mga sama kaniya nga matabangan. (Angelica T. Obina)
(Source: PIC-Nena M. Garcia & Ginalin G. Ma)