Hugtanong gipatuman sa mga personahe sa Rizal Municipal Police Station, ang Mobile Checkpoint, diin tanang mga sakyanan nga moagi sa nasangpit nga lugar, ila kining parahon, pangitaan sa mga dokumento sa ilang sakyanan, og gipakisayran usab ang mga anaa sa sulod sa maong sakyanan, diin ang maong checkpoint didto gipahigayon sa National Highway sa Barangay Tolon, Lungsod sa Rizal, ning Probinsiya sa Zamboanga Del Norte, niadtong nakalabay’ng adlaw, Agosto 02, 2025, sa may alas 10:36 sa buntag.
Tumong sa nahisgutang Checkpoint nga gipahimotang mismo sa utlanang bahin sa Zamboanga Del Norte, ug Probinsiya sa Misamis Occidental aron matud pa sa Rizal Pnp, nga ilang mapiho, nga ang mga sakyanan nga mosulod og mogawas ning maong Probinsiya, walay mga gipangkarga nga mga kontrabando o unsa mang mga binhatan nga supak sa balaod, maingon man aron usab, nga ilang masayran nga ang mga nagmaniho sa nasangpit nga mga sakyanan, aduna ba kini’y mga lisensiya sa ilang mga pagmaneho og sakyanan.
Dugang nga pahayag sa Rizal Pnp, nga dako kaayo ang ikatabang sa nahisgutang checkpoint alang sa kahapsay ug kalinaw sa tibuok bahin sa Zamboanga Del Norte, tungod kay mapug matud nila ang unsang plano sa mga masinupakon sa balaod, kon sila moagi sa gipahigayon nga checkpoint, ug sa samang paagi, masakote ang mga adunay tulubagon sa balaod, nga maaktuhan nga molabang sa nasangpit nga Mobile Checkpoint.(Julius Esmade)
Source: RIZAL PNP