Mipasalamat kayo ug dako ang mga residente sa Barangay Mias, sa lungsod sa Katipunan, Zamboanga del Norte kang Governor Rosalina “Nene” Jalosjos sa mga ayudang nakaabot sa ilang barangay.
Ang maong kalihokan, gipahigayon sa covered court sa Barangay Mias, dungan usab sa pagsaulog sa ika-53 ka tuig nga anibersaryo sa Barangay Mias.
Ang mga personahe sa Provincial Health Office(PHO) milugway ug medical and dental consultation uban ang libreng tambal ug bitamina sa 355 ka mga indibidwal; 97 ang naibtan ug ngipon, 40 ka mga kabataan ang natuli.
Ang PROVET usab ang naghatag ug purga sa 411 ka mga manok, 52 ka mga baboy ug 18 ka mga iro, ingon man anti-rabies vaccination sa 14 ka mga iro ug 4 ka iring uban ang 300 ka mga milk tube.
Ang Office of the Provincial Agriculturist sa ilang bahin nang-apod-apod usab ug 288 ka paketeng binhi sa mais, 301 ka mga pakete sa organic fertilizers 295 ka mga pakete sa liso sa mga nagkalain-laing matang sa mga utanon, sama sa pechay ug pipino.
Adunay 48 ka mga indibidwal ang nakapahimulos sa libreng alot nga gilugway sa mga personahe sa PDRRMO, samtang 1,000 ka mga residente sa Mias ang malipayong midawat sa tag-3-kilos nga bugas gikan sa Provincial Social Welfare and Development Office(PSWDO).
Samtang nagpadayon ang medical and dental consultation ug uban pang kalihokan, gibusog usab sa PSWDO ang mipahimulos sa outreach program pinaagi sa libreng ice candy ug champurrado.
(Source: Provincial Information Center ZaNorte Facebook page)