Nagpahigayon og inspeksyon si Cong. Ian Amatong sa nagkalain-laing infrastructure ug development projects sa lungsod sa Gutalac, uban nila Mayor Eddie Justin Quimbo, Vice Mayor Aljon Garzon, ug mga miyembro sa Sangguniang Bayan.
Lakip sa mga proyekto nga ilang gisusi ang Brgy. San Isidro–Immaculada Farm-to-Market Road, Cocob Elementary School Building, pag-ayo sa Sas Covered Court, slope protection sa Gutalac–Siocon Road, Super Health Center, Municipal Tribal Hall, ug BFAR Ice Plant and Cold Storage Facility.
Atol sa inspeksyon, gisusi ang kasamtangang kahimtang ug progreso sa mga proyekto, lakip ang mga aspeto nga nagkinahanglan og pagtagad aron masiguro ang husto nga pagpatuman niini.
Gipunting sa grupo ang kamahinungdanon sa padayong pagmonitor sa mga proyekto aron masiguro nga kini mapatuman sumala sa giplano ug makatubag sa mga panginahanglan sa mga residente sa Gutalac.
Padayon usab ang pagmonitor sa mga proyekto isip kabahin sa paningkamot nga mapauswag ang mga pasilidad ug serbisyo sa lungsod.(IKEN B. GULLEM)
Source: Team Adrian Amatong