Mihimo og mahinungdanong pagbisita ang mga Project Development Officers (PDOs) sa DSWD Sustainable Livelihood Program (SLP) kang Mayor Hon. Eddie Justin T. Quimbo sa munisipyo sa Gutalac kaniadtong Septiyembre 1,2026.
Ang maong pagbisita nagtumong sa paghatag og pinakabag-o nga balita ug paghisgot sa kahimtang ug pagpatuman sa mga proyekto sa SLP sulod sa lungsod.
Gipasiugda sa duha ka panig nga ang kanunay nga pagtinabangay ug hugot nga panag-ubanay tali sa DSWD ug sa Lokal nga Pamahalaan kinahanglanong mapadayon. Pinaagi niini mas masiguro nga ang matag programa ug kahigayonan sa panginabuhi makaabot gayod ug mapahimuslan sa matag lumulupyo sa Gutalac.
Gipasalamatan usab ang walay-kapoy nga suporta ni Congressman Hon. Ian Amatong, nga naghatag og dakong tabang aron masugdan ug mapadayon ang maong mga proyekto alang sa kaayohan sa mga lungsoranon.
Ang tibuok kalihokan nagtapos sa usag-usa nga saad nga magpadayon ang pagtinabangay, paghatag og mas daghang kahigayonan, ug pagpalig-on sa kinabuhi sa matag usa.(MEDALYN U. BORJA)
Source: LGU-Gutalac Public Information