Mitambong ang mga opisyal sa Kagamhanang Lokal sa Dipolog City sa duha ka adlaw nga Smart and Sustainable Communities Program Roadmapping Workshop nga gipasiugdahan sa Department of Science and Technology (DOST) Region IX niadtong Oktubre 15, 2025, sa Chandler Suites, Pagadian City.
Apil sa delegasyon sila City Councilor Atty. Roseller L. Barinaga, Engr. Albert S. Alimpulos, Mr. Lorenzo A. Aseniero II, ug Mr. Benedicto Bajita, aron palig-onon ang mga inisyatibo sa syudad sa pagtukod og mas intelihente ug malungtarong komunidad pinaagi sa paggamit sa teknolohiya.
Gitambungan usab sa mga opisyal sa DOST-PSTO Zamboanga del Norte ug Zamboanga del Sur ang kalihokan, uban sa 4Sight Management Consultancy nga nagsilbing resource speakers, aron paghiusa sa mga LGU sa rehiyon sa pagpahugot sa digital ug sustainable development programs.(Jeniffer Jr. Delica)