Ang kagamhanang lokal ning dakbayan sa Dipolog, malampusong mitunol ug hinabang ngadato sa mga mangingisda,kinsa na apektohan sa bagyo nga nasinati bag-ohay lang,diin ang matag mangingisda gikan sa baybayong barangay sa Barra, Miputak, ug Central ang hingpit nga nakadawat sa tabang,niadtong Hulyo 19,2025.
Ang paghatag sa maong hinabang gipangulohan sa Mayor ning dakbayan sa Dipolog nga si Mayor Roberto “Berto” Y. Uy, sa koordinasyon sa Department of Social Welfare and Development (DSWD), ang City Social Welfare and Development Office (CSWD), ug mga lokal nga opisyal sa tulo ka barangay.
Apil sa mga nihatod sa mga ayuda mao ang pipila ka mga opisyales sa gobyerno nga sila si Konsehal Kenny Ong, Konsehal Ryan Asprer, Kanhi Konsehal Roger Asper, mga opisyales ug Kapitan sa tulo ka nasangpit nga Barangay nga apektado.
Alayon niini mao ang matabangan ang pamilya sa mga mananagat nga nawad-an sa ilang panginabuhian tungod sa dautang epekto sa bagyo,tungod niini nahimong pamaagi ang pag abod-apod sa mga food pack ug relief items, aron sa ingon niini makunhuran ang ilang panginahanglan nga adlaw-adlaw nilang sagubangon.
Sa pikas bahin ang CSWD nitakda ug iskedyul alang sa uban pang mga ayuda nga i-apod-apod sa mga tagilungsod nga hingpit nga naapektohan sa di maayong panahon nga naglakip sa baybayon, ug mga coastal barangay.
Kini nga paningkamot usa ka pagpakita sa serbisyo sa kagamhanan,panahon sa kalamidad ug katalagman nga mahi-agoman sa mga katawhan nga nanimuyo dinhi sa dakbayan sa Dipolog.(Medalyn U. Borja)
Source: Zambonga del Norte Provincial News Network