Pipila ka mga kalungsuran ang naka angkon ug dakung kadaut ingon man pagbaha sa ubang mga lungsod dinhi sa probinsya sa Zamboanga del Norte hinungdan sa kamaot sa panahon nga dala sa bagyong Kristine diin ang mga katawhan namakwit na sa pipila ka lugar.
Ang PDRRMO Officer Mr. Norman Alegarbes mikompirmar nga adunay 16 ka mga barangay sa lungsod sa Sirawai ang nakasinati sa pagbaha, 15 ka barangay sa  Siocon, 4 ka barangay sa Sindangan, 2 ka barangay sa Baliguian ug usa ka barangay sa Siayan.Ug laing lima ka barangay sa lungsod sa Leon B. Postigo ang nakasinati usab ug landslide.
Ang hingtungdan buhatan sa MDRRMO SIOCON ug SIRAWAI nagpahigayon na ug rescue operation sa mga matag biktimang barangay.
Ang Mayor sa Sirawai nga si Mayor Aljazar Janihim ang nagpasiugda o nanguna sa rescue operation sa nahisgutang Lungsod inubanan sa Sirawai Municipal Police Station 1CMO, CMOBn sa Philippine Army, 905th MC,ug RMFB9.
Ang mga lungsod sa Sibuco, Labason ug Gutalac ang sa kanunay pang gahatag ug impormasyon ug pag monitor sa palibot  para sa paglikay sa mahimung kadaut nga dala sa bagyong Kristine.(Angelica T. Obina)
Source: ZNPPO AND PDRRMO