Mitambong ang Dipolog City Police Station sa Barangay Miputak Intervention and Diversion Workshop Program alang sa mga Grade 11 nga estudyante sa Miputak National High School nga gipahigayon sa Barangay Miputak Hall sa Dipolog City.
Gipangunahan ni PLT Noriel S. Bagalanon, CAD Officer, ang partisipasyon sa kapulisan sa maong kalihokan nga nagtumong sa paghatag og giya, suporta ug kahibalo aron mapalambo ang maayong pamatasan, personal nga pagtubo ug responsableng pagkamamamayan sa mga kabatan-onan.
Gipasiugda usab sa programa ang kamahinungdanon sa panagtambayayong tali sa kapulisan, barangay ug eskwelahan sa paggiya sa mga kabatan-onan aron malikayan ang pagkalambigit sa mga kalapasan ug mahimong responsable nga mga miyembro sa komunidad.
Sumala sa Dipolog City Police Station, padayon silang makigtambayayong sa mga sektor sa komunidad sa pagpatuman og mga programa nga nagpalig-on sa kabatan-onan ug nagpasiugda sa malinawon ug luwas nga katilingban.(JENIFFER JR. DELICA)
Source: PNP Dipolog City Police Station