Mitubag dayon ang Emergency Response Unit sa Municipal Disaster Risk Reduction and Management Office o MDRRMO Salug sa usa ka medical emergency nga nalambigit sa usa ka 84-anyos nga lalaki nga nagreklamo og kasakit sa tiyan sa Pacuhan, Salug niadtong Hulyo 10.
Gisusi dayon sa mga responder ang kahimtang sa pasyente, gikuhaan og vital signs ug gihatagan sa gikinahanglang pre-hospital care aron mapalig-on ang iyang kondisyon.
Human sa inisyal nga pag-atiman, luwas nga gidala ang pasyente ngadto sa Liloy District Hospital ug gitugyan sa mga medical personnel alang sa dugang ebalwasyon ug pagtambal.
Padayon, matud pa sa MDRRMO Salug, ang ilang paspas ug episyenteng paghatag og emergency medical services aron mapanalipdan ang kinabuhi ug kaayohan sa matag Salugnon.(JENIFFER JR. DELICA)
Source: SALUG DRRM Office