Mipaabot sa ilang dakong pagpasalamat ang Senior Citizen Association – Galas Chapter ngadto kang Governor Rosalina “Nanay Nene” Jalosjos pinaagi sa ilang Association President Angelito G. Nob atol sa ilang gipahigayong meeting ug Blessing Ceremony sa ilang Bag-ong Senior Citizen Building sa Sitio South Baybay Galas, Dipolog City, Mayo 6 niining tuiga.
Saysay ni Nob nga dako nilang kalipay nga nakadawat sa mga ayuda gikan sa probinsya nga bisan paman kini ginagmay apan kinasingkasing nga gihatag.
Ingon man, nakatagamtam sila sa tinuoray nga serbisyo gikan sa inahan sa probinsya sa ilang barangay.
Dugang pa niya nga magpadayon pa ang ilang pagpaningkamot aron mapaabot ang mga programa nga alang sa mga senior citizens sa ilang barangay.
Ang maong panagtigom gitambongan sa 900 ka Senior Citizens nga gikan sa 14 ka sitio sa maong barangay.
Gipang apod-apod ang Ayuda ni Nanay Nene nga gilangkuban sa; 1,000 ka set sa packed vitamins, 400 ka noodles, 600 ka canned goods ug 200 ka packed meals.
Samtang usa usab sa mga Board Member sa maong asosasyon nga si Jovita T. Azucenas ang mipadayag sa iyang kinasingkasing nga mensahe alang kang Governor Jalosjos.
(Source: Provincial Information Center ZaNorte Facebook page)