Dipolog: Mga biktima sa baha sa 3-SB gikan sa probinsya makatatanggap ng ayuda

0
3

Sa walay daghang langan, gipahatud gilayon ni Governor Rosalina “Nanay Nene” Jalosjos niining semanaha ang mga ayuda alang sa mga biktima sa baha kaniadtong Enero 11-12 didto sa lungsod sa Sibuco, Sirawai, Siocon ug Baliguian.

Ang mga kawani sa PDRRMO  uban sa  PHO, PSWDO, Phil Airforce, PNP, 97TH IB, Rotary Club of Dipolog maoy abtik nga mipaabot  sa mga ayuda sa ngadto sa Triple-SB.

Bisan paman sa sobrang kalayo, risgo ang dalan ug nagmakulang sa sakyanan padayon ang  Gugma Ayuda Ni Nanay Nene nga mipadangat gilayon sa mga hinabang ngadto sa nahigustang lungsod.

Sa nasayran gikan sa Provincial Disaster Risk Reduction and Management Office (PDRRMO) pinaagi ni OIC- Engr. Dennis C. Tenorio nga bisan paman sa hilit nga dapit gihimong prayoridad sa kagamhanang probinsyal ang Sibuco, Sirawai, Siocon, Baliguian nga hinanaling mapadangat ang ayuda human ang nasangpit nga mga kalungsuran maoy dako nga naapektahan sa dakong pagbaha dala sa Low Pressure Area (LPA) nga mihapak ning probinsya.

Ang lungsod sa Baliguian nadakawat sa 150 ka bags sa tag-5 ka kilong bugas, 150 ka food packs, used clothings ug mga tambal.

(Source: Provincial Information Center Zanorte Facebook page)

LEAVE A REPLY

Please enter your comment!
Please enter your name here