Batac: ‘Iyeg ti gobierno ti Ilocos Norte ti programana a “producer to consumer” (P2C) iti Siudad ti San Juan iti Metro Manila ita a tawen

0
1

Idi Lunes, nagtutunos nga inaprobaran dagiti kameng ti Sangguniang Panlalawigan ti Resolution 088-2023 a nangipalubos ken ni Gobernador Matthew Joseph Manotoc a sumrek iti memorandum of agreement iti gobierno ti siudad, nga irepresentar ni Mayor Francis Zamora para iti programa ti P2C.

Nadisenio a mangsalaknib kadagiti konsumidor babaen ti panangipaay iti direkta a pannakagun-od kadagiti tagilako iti talon ken mangipaay iti nasaysayaat a gundaway iti ekonomia kadagiti micro, small, and medium entrepreneurs (MSMEs), ti P2C iti sidong ti programa a Kadiwa ti gobierno probinsial ket tumultulong kadagiti mannalon-producers ken processors a direkta a mangilako kadagiti produktoda konsumidor kadagiti merkado iti siudad.

Kalpasan ti naballigi a panagpukawna iti Quezon City, kinuna ni Pancho Jose, chief of staff ti gobernador idi Martes a namnamaenda nga ad-adu pay ti maiyegda a lokal a produkto iti Metro tapno mapadur-as ti panaglako dagiti MSME iti probinsia.

Kinapudno na, ti Ilocos Norte ket makipaspaset kadagiti regular a P2C bazaar iti Siudad ti Quezon, a kaduana ti siudad ken gobierno probinsial manipud idi 2017. Para kadagiti interesado nga MSME, kinuna ni Jose a mabalin nga agpalistada iti Small and Medium Enterprises Office para iti gundaway a makikadua iti sumaruno a batch dagiti mannalon-producers ken processors a mangipabuya kadagiti produktoda iti Metro Manila.

Apaman a mailista iti nasao a programa, ipaay ti gobierno ti Ilocos Norte ti libre a transportasion dagiti produkto idinto a ti pagdagusan ken dadduma pay nga insidente a gastos ket ibaklay dagiti partner MSMEs. (April Joyce Gonzales)

(Source: Provincial Government of Ilocos Norte)

LEAVE A REPLY

Please enter your comment!
Please enter your name here