Napulo ug unom ka sachet sa gituohang shabu nga motimbang og kapin o kulang 1.1 gramos nga adunay standard nga presyo nga PhP7,500.00, duha ka brown coin purse, usa ka gamay nga blue cellophane, duha ka pcs bottle cup Emperador ug Red Horse nagsilbi nga drug container, usa ka pakete nga New Far cigarettes nga adunay sulod nga dose ka sticks, usa ka unit Cherry Mobile cellular phone, usa ka PhP500.00 bill (buy bust money), cash nga nagkantidad og PhP362.00, 1 unit colt .45 pistol, ug usa ka .45 pistol magazine nga adunay sulod nga 4 ka piraso sa .45 caliber live.
Nasakmit ang mga nahisgutan pinaagi sa Drug Enforcement Team sa Roxas Municipal Police Station, 901st Maneuver Company, RMFB 9, 1st Zamboanga del Norte Provincial Mobile Force Company ug Zamboanga del Norte Provincial Intelligence Unit.
Nagpatigayon sa joint buy-bust operation sa Purok Madasigon, Brgy Dohinob, Roxas,Zamboanga del Norte  alas 2:35 sa kaadlawon sa September 24, 2023.
Ang operasyon miresulta sa pagkasikop sa usa ka drug suspect. Tanan nga nakumpiska nga drug items gidala sa provincial forensic unit para sa  eksaminasyon ug armas alang sa ballistic examination.
Ang gidakop naa na sa kustodiya sa Roxas Municipal Police Station.
(Source: PNP ZamPen)