Gipahigayon sa Department of Agriculture – Sustainable Agricultural Development Program Phase II o DA-SAAD Phase II ang Value Addition Training on Meat Processing alang sa mga miyembro sa Tabon Integrated Farmers Association o TIFA sa Tabon, Jose Dalman, Zamboanga del Norte niadtong nilabay nga adlaw.
Gipunting sa maong training ang pagpalambo sa kahibalo ug kahanas sa mga miyembro sa pagproseso sa livestock products aron mapalambo ang ilang mga produkto ug mahimong dugang nga panginabuhian.
Pinaagi sa maong programa, gihatagan og kahigayonan ang mga miyembro sa TIFA nga makakat-on og mga pamaagi sa meat processing nga magamit sa ilang asosasyon.
Ang kalihokan kabahin sa mga inisyatibo sa DA-SAAD Program Phase II aron suportahan ang mga miyembro sa farmers’ associations sa pagpalambo sa ilang panginabuhian ug pagdugang sa value sa ilang livestock products.(JENIFFER JR. DELICA)
Source: DA-SAAD Zamboanga Peninsula