Nakadawat og Certificate of Appreciation si Dipolog City Mayor Roberto Y. Uy gikan sa 902nd Zamboanga del Norte Community Defense Center (CDC) isip pag-ila sa iyang aktibong suporta sa mga kalihokan nga nagpalig-on sa serbisyo sa komunidad.
Personal nga mitawag sa opisina sa mayor si COL Mandy Libertino, Director sa 902nd ZDN CDC, aron personal nga ipresentar ang maong sertipiko. Kini nga pasidungog gipahinungod sa dakong tabang sa mayor sa malampusong pagpatuman sa 8th RESCOM-Wide Blood Donation Activity, nga gihimo isip kabahin sa pagsaulog sa 90th Anniversary sa Armed Forces of the Philippines (AFP).
Sa laing bahin, gipahayag ni Mayor Uy ang iyang pasalamat sa pag-ila ug iyang gipasiugda nga magpadayon ang kooperasyon sa city government ug sa military alang sa mga programang makatabang direkta sa komunidad.(IKEN B. GULLEM)
Source: Dipolog City Government