Kinasing-kasing nga mipaabot sa ayuda ang kagamhanang lokal sa Dipolog ngadto sa pamilya ni Mr. Tito O. Galleposo, 59 anyos ug sa asawa niini Mayo 17, 2023 didto sa Barangay Dicayas ning siyudad.
Ang ayuda, gilangkoban sa ayudang pinansiyal ug food packs ang gihatag ngadto sa nahisgotang pamilya.
Ang paghatag og ayuda nahitabo didto mismo sulod sa Barangay Hall, sinaksihan sa mga barangay opisyals sa Barangay Dicayas, uban mismo ni Punong Barangay Tito C.Maligro.
Ang ayudang pinansiyal gitunol ni Dipolog City Acting Administrator, Atty. Edwin Prince I. Gonzales, isip representante ni City Mayor Darel Dexter T. Uy, samtang ang mitunol usab sa duha ka karton nga pagkaon, gihatag pinaagi sa mga tinugyanan sa City Social Welfare and Development Office. Samtang adunay gihimong pag-assess sa hingtungdang pamilya pinaagi ni Ms. Noriza M. Asprer, sa buhatan sa PESO alang sa livelihood assistance niini.
Uban ni Acting City Administrator, Atty. Gonzales nga milangkob sa team gikan sa kagamhanang lokal ning siyudad mao sila si City Information Officer Lorenzo A. Aseniero II, OIC-Assist City Information Officer Alan Francisco L. Bengua, ug Mr. Oliver R. Bagasina sa CIO, kinsa mi-cover sa maong aktibidad.
Sumala pa, nga kining maong ayuda nga gilugway maoy ikaduha na ka hugna isip dugang hinabang gikan sa City Government ngadto sa nahisgotang pamilya, human kini nakadawat sa unang hugna niadtong nakalabay nga semana.
Kahibalo-an nga si Mr. Tito O. Galleposo maoy padre de pamilya ngadto sa mga bata nga nagpuyo sa Purok Pinya, sa Barangay Dicayas nga gikatahong nahilo sa baki nga ilang giluto, diin ang usa sa lima ka managsoon nga napangidaron og singko anyos ang nakabsan gayud sa kinabuhi gumikan sa pagkahilo niini.
(Source: Dipolog City Government Facebook page)