Nagpatawag og meeting ang Mayor sa lungsod sa Salug nga si Dr. Ruth M. Brillantes, aron palig-onon ang mga programa ug operasyon sa Municipal Disaster Risk Reduction and Management Office (MDRRMO) niadtong nilabay nga adlaw.
Atol sa meeting, gihisgutan ang pagpa-ayo sa kaandam batok kalamidad, paghatag ug mas klaro nga direksyon sa mga buluhaton, ug pagpadayon sa mga plano nga nasugdan sa milabay nga Executive Assistant. Gitan-aw usab ang mga kinahanglanon sa opisina sama sa dugang double deck beds, suga, ug ubang ekwipo alang sa mas komportableng kahimtang sa mga responder.
Gipasalig sa Mayor nga ipadayon sa lokal nga panggobyerno ang paglig-on sa MDRRMO aron mas paspas ug mas epektibo ang pagtubag sa tanang emerhensiya.(JENIFFER JR. DELICA)
Source: Municipality of Salug