Ang malampusong pag saulog alang sa ika- 19th Dahunog Parade Band Competition kalabot sa Dahunog Festival, gipasalamatan pag ayo sa Mayor ning dakbayan sa Dipolog nga si City Mayor Darel Dexter T. Uy.
Kini ubos usab sa suporta sa Bise Mayor ning dakbayan nga si Vice Mayor Senen Olvis Angeles ug uban pang mga indibidwal nga nagsuporta sa malampusong kalihokan nga giduyogan sa mga katawhan, ning syudad sa Dipolog ang masadyaong Band Competition.
Gisalmotan kini sa 6 ka mga partisipante gikan sa nagkadaiyang tunghaan kinsa mipasundayag sa maong kalihokan diin gipahigayon ang Band Showdown didto sa Dipolog Sunset Boulevard nga mao na ang naandan nga kompetisyon sukad pa kaniadto.
Naghatag ug kasadya ang maong pasundayag ngadto sa mga tumatan-aw nga nagkatapok aron saksihan ang mamahimong mananaog diin nahimong kampyeon ang Zamboanga del Norte National High School-Turno Campus nga gisundan sa Saint Vincent’s College, isip First Runner-up, ug Sindangan National High School, isip Second Runner-up.
Ang matag tunghaan isip mga partisipante nakadawat gihapon ug ganti gikan sa nagdumala alang ilang pagsalmot sa mahinungdanong kalihokan.(Medalyn U. Borja)