Nahimong pinasidunggang dinapit si City Mayor Darel Dexter T. Uy atol sa pagbisita ni Philippine Army Reserve Command (RESCOM) Commander, Major General Romulo A. Manuel Jr. PA, kagahapong adlawa, Abril 30, 2023 didto sa 902nd Zamboanga Del Norte Community Defense Center sa Camp Domingo C. Sagario, Punta Blanca, Manukan, ning lalawigan.
Ang maong pagbisita ni MGEN. Manuel sa maong headquarters maoy tipik sa iyang gihimong “Talk to Men” activity, diin ang naulahi mobisita sa tanang mga headquarters ilawom sa iyang hurisdiksiyon aron sa pagpakighimamat sa mga personahe niini ug ingon man sa pagsubay usab sa operasyon ilawom sa Reserve Command sa Armed Forces of the Philippines dinhi sa tibuok nasud.
Sa katapusang bahin sa programa, gitunol ni City Mayor Darel Dexter T. Uy ang token ngadto ni MGEN. Manuel isip handumanan, diin ang naulahi ang mitunol usab og token ngadto sa mayor.
Ang pagtunol sa token nga gihimo ni Mayor Uy gi-abagan ni Col. Nelson S. Dalman (Ret) kinsa mao usab ang Deputy Brigade Commander sa 2302 Ready Reserve Brigade nga gisundan dayon sa usa ka salu-salo.
(Source: Dipolog City Government Facebook page)