Si Mayor Bullet Jalosjos mipadayag sa iyang kinasing kasing nga simpatiya ngadto sa mokabat 3,000 ka mga job order personnel sa provincial government nga gikataho nga halos 3 ka bulan ng nakalabay nga wa makatilaw ug sweldo sa Probinsya. Hinungdan sa wala pag aprobar sa Sangguniang Panlalawigan sa Supplemental Budget nga sumala pa apil unta didto ang nahisgutang sweldo sa mga JOs.
Gikaguol kaayo kini ni Mayor Bullet ang nahitabo sa mga JOs gibati kini kaniya tungod kay matag usa aning mga empleyado adunay may mga pamilya nga magsaulog sa adlaw sa Pasko.
Si Mayor Bullet midisisyon ug giawhag niya ang mga hepe sa nagkalain laing buhatan sa kagamhanang lokal sa Dapitan nga hangyuon ang mga sakop sa ilang matag opisina nga ang bugas nga ilang maangkon karong pasko gikan sa kagamhanang lokal, nga didto nalang ipanghatag sa mga empleyado sa probinsya nga naapektuhan kay daku na kining tabang ngadto kanila.
Sa maong sugyot ni Mayor gikauyunan kini sa tanan nga mudalit ang kagamhanang lokal sa dakbayan sa Dapitan ug gamay tabang alang sa mga emoleyado sa probinsya nga naapektuhan. Gipaabot ni Mayor Bullet ang iyang mensahe alang sa mga inosenteng biktima nga mga empleyado sa probinsya nga lumalabay lamang ang tanan, dili mawad-an ug paglaom ug iampo ang mga tawo nga maoy hinungdan sa ilang nasinati nga kalisud. Ug ipadayun lang sa gihapon ang simple nga pagsaulog sa Pasko. (Angelica T. Obina)
(Source: Dapitan City Government)