Mipahigayun ug usa ka Marksmanship Training ang mga personahe sa 97th Infantry “KALASAGLAHI” Battalion, 1st Infantry “TABAK” Division, Philippine Army, uban sa koordinasyon sa 902nd Community Defense Center sa 9RCDG, didto sa Brgy. Punta Blanca , Manukan Zambonga del Norte alang sa mga reservist subay sa nagpadayong pagpatuman sa KALASAG-ZAMBOANGA DEL NORTE Inter-Agency Territorial Defense Operation (IATDO) Exercise, Pebrero 16,2026.
Ang maong kalihokan nagpakusog sa kahanas nga may kalabutan sa pagpusil, disiplina sa pagdumala sa armas, kaandam sa operasyon alang sa mga reservist ug pagpasiugda sa mahinungdanong tahas nga importanteng kauban sa territorial defense framework sa nasud isip force multipliers.
Ang mga reservist nagsilbi nga kritikal nga bahin sa nasudnong seguridad – diin isip mga lungsuranong sundalo,sila andam sa pagdugang sa mga regular nga pwersa ug mahimong mapalihok alang sa pagtubag batok sa mga armadong panagbangi, ug uban pang nasudnong emerhensya sa kalamidad ug insurhensya.
Gipakita niini ang ilang lig-on nga whole-of-nation approach sa pagpanalipod sa soberanya ug teritoryal nga integridad sa nasud pinaagi sa ilang partisipasyon.
Dugang pa gipakita sa mga personahe sa 97IB ang ilang padayong commitment nga maghatag gahum alang sa mga nasangpit reservist,sa pagpakita kamahinungdanon nga kontribyusyon niini pagpatoman sa ilang misyon sa siguridad sa komunidad isip kabahin sa ilang dedikasyon sa katungdanan.(MEDALYN U. BORJA)
Source: 97th KALASAGLAHI INFANTRY BATALLION