Usa ka mananagat nga notadong Street Level Individual (SLI) ang malampusong nasikop sa gipahigayon nga buy-bust operation sa mga personahe sa Sirawai MPS kauban ang 905th MC-RMFB9, mga alas 5:10 ang takna sa kahapunon, Marso 19, 2025, Brgy. Sirawai Proper, Sirawai, ZN.
Ang dinakpan naila nga usa ka lalaki, 32 anyos, minyo, mananagat ug residente sa nasangpit nga lugar.
Ang operasyon miresulta sa pagkasikop sa suspek ug pagkasakmit sa mga butang nga gilangkuban sa; Duha ka small size heat-sealed transparent plastic sachet nga adunay sulod nga white crystalline substance nga gituohang methamphetamine hydrochloride (shabu) possession; Usa ka small size heat-sealed transparent plastic sachet nga adunay sulod nga shabu isip buy bust item; ug Usa ka Php 500.00 isip buy-bust money.
Ang mga nakumpiska nga droga gibana-bana nga mutimbang sa 0.5 gramos ug adunay street value nga balor sa Php 3,400.00 diin gidala sa ZNPFU Liloy Satellite Office ang mga nakumpiska nga druga alang sa eksaminasyon sa laboratoryo.
Samtang ang dinakpan gipahibalo sa iyang mga katungod sa konstitusyon ug gidala sa Rural Health Unit sa Sirawai, Zamboanga del Norte alang sa medikal ug pisikal nga eksaminasyon homan gipa ubos sa kustodiya sa Sirawai MPS alang sa tukmang disposisyon. (Medalyn U. Borja)
(Source: ZNPPO)