Sikop sa kapulisan Siocon Municipal Police Station ang usa ka asawa, samtang naka-ikyas ang bana niini, sa gipahigayon nga Joint Drug BUY-BUST Operation, katimbang ang mga personahe sa Zamboanga del Norte Provincial Drug Enforcement Unit (ZN PDEU), maingon man ang mga personahe usab sa 905th, Regional Mobile Force Batallion-9, ( RMFB9 ), didto sa Sitio Taas Lubi, Barangay Siay, Siocon, Zamboanga del Norte, niadtong nakalabay’ng adlaw, August 10, 2025, sa may alas 9:48 sa gabie.
Giila sa Siocon Pnp ang dinakpan, sa alyas nga Lalay, 35 anyos, asawa sa nakalighot nga usa sa target sa nasangpit nga Operasyon, nga Bana niinng anaa na sa 47 anyos, diin ang maong magti-ayon, parehong Lumolupyo sa nahisgutang Lugar, nga matud pa sa pahayag sa Siocan Pnp, nga nakamatikod ang nahisgutang Lalaki, ug dali kining milighot ug nakalaingkawas sa kamot sa mga awtoridad, nga hangtod ning kasamtangang pagbalita, nagpabilin pa kining gawasnon.
Nakuha gikan sa posesyon sa dinakpan ang 1-ka gamay nga naka Heat-Sealed Transparent Plastic Sachet, nga adunay sulod nga gituohang Shabu, diin gibana-bana ang gibug-aton niining mokabat ngadto sa 5 gramos, samtang gibana-bana usab ang kantidad niini, base sa Standard Drug Price, nga mokabat ngadto sa Php34,000.00.
Nakuha usab gikan sa posesyon sa nasangpit nga dinakpan, ang nagkadaiyang mga Drug Paraphernalia, 1-ka Improvised Weighing Scale, maingon man ang kantidad nga Php1,030.00 sa nagkadaiyang denominasyon, ug ang kantidad nga Php500.00 nga maoy gigamit isip Buy-BUST Money.
Gipadala gilayon ang mga nakumpiskang ebidensiya gikan sa Suspect, ngadto sa Zamboanga del Norte Forensic Unit – Liloy Satellite Office, alang na sa ipahigayon nga eksaminasyon, samtang ang dinakpan atua na ubos sa kustodiya sa Siocon Municipal Police Station (MPS) alang na sa tukmang disposisyon.(Julius Esmade)
Source: ZNPPO