Tugpa sa prisohan ang usa ka Lalaki, human kini nasakote sa gipahigayon nga Joint Buy-Bust Operation, sa mga personahe sa Dipolog City Police Station (DCPS), ubos sa koordinasyon sa mga Operatiba sa Regional Drugs Enforcement Unit-9 (RDEU9), ug ang mga Ahente sa Philippine Drugs Enforcement Agency-9 (PDEA9), didto sa Purok Orchids, sa Barangay Sicayab, ning dakbayan Dipolog, niadtong nakalabay’ng adlaw, Agusto 10, 2025, sa may alas 8:29 sa gabie.
Giila sa Dipolog Pnp ang dinakpan, sa Alyas nga Tanggol, 25 anyos, ulitawo nga Balot Vendor, ug Lumolupyo sa Purok Buli, sa Barangay Minaog, ning Dakbayan sa Dipolog, ning maong Probinsiya sa Zamboanga Del Norte.
Base sa pahayag nga giluwatan sa Dipolog Pnp, nga atol sa ilang gipahigayon nga Operasyon, Posetibo nilang nakuhaan og Usa ka gamay nga naka Heat-sealed Transparent Plastic Sachet ang Suspetsado, diin kini adunay sulod nga White Crystalline Substance ug kini gituohang Shabu, nga gibana-bana ang gibug-aton niining, anaa sa 2 gramos, samtang gibana-bana usab ang kantidad niini nga mokabat ngadto sa Php13,600.00, base sa Standard Drug Price Value niini, lakip usab nga nakuha gikan sa posesyon sa naasoy nga dinakpan ang Usa ka Php1,000.00, nga maoy gigamit isip, Buy-Bust Money.
Gipadala dayon ngadto sa Zamboanga Del Norte Provincial Forensic Unit-9 ang mga nakumpiska gikan sa dinakpan, alang na sa ipahigayon nga Eksaminasyon, samtang ang Supetsado, atua na temporaryong naka kustodiya sa Dipolog City Police Station alang na sa tukmang disposasyon. (Julius Esmade)
Source: ZNPPO