Gibutyag sa Zamboanga del Norte Police Provincial Office (ZNPPO) kaniadtong Pebrero 7, nga magpahigayon kini og LTOPF o (License to Own and Possess Firearms) Caravan karong Marso 30–31, 2026 sa ZNPPO Camp Hamac, Sicayab, Dipolog City.
Sumala kang ZNPPO Acting Provincial Director COL. Reydante Endonila Ariza, kauban si PLTCOL Eleno A. Dondoyano, Deputy for Operations, ang caravan gitumong aron mapadali ang aplikasyon ug renewal sa lisensya sa armas alang sa katawhan.
Sa maong kalihokan, mahimo na direkta nga iproseso ang mga kinahanglanong dokumento sa bag-ong aplikante ug sa mga magpa-renew sa ilang LTOPF, aron malikayan ang kalangan ug mas mapadali ang proseso.
Giawhag ni Col. Ariza ang tanang interesadong indibidwal nga pahimuslan ang caravan, samtang gibug-aton nga ang husto ug legal nga pagpanag-iya sa armas makatabang sa kaluwasan ug kahapsay sa komunidad.(IKEN B. GULLEM)
Source: Zamboanga del Norte Provincial News Network