Isip Chair sa Local School Board (LSB), mipatawag si Dapitan City Mayor Evelyn T. Uy ug LSB meeting kaniadtong Nobyembre 14, 2025, aron hisgutan ang daghang importante nga isyu alang sa ektor sa edukasyon sa dakbayan.
Lakip sa mga prayoridad sa agenda mao ang kasamtangang kahimtang sa appropriations ug paggamit sa Special Education Fund (SEF), updates sa preparasyon alang sa 2026 Zamboanga Peninsula Regional Athletic Association (ZPRAA), ug ang proposal sa pagtaas sa buwanang sweldo sa mga locally paid teachers.
Gihisgutan usab ang progreso sa procurement sa dugang luna para sa Hilltop Elementary School aron matubag ang nagkadako nga panginahanglan sa pasilidad.
Ang maong mitíng usa ka lakang aron mapalig-on ang serbisyo sa edukasyon ug masiguro nga ang kultura, interes, ug panginahanglan sa DepEd Dapitan community mapadangat sa tibuok city governance.
Samtang, si Mayor Uy magpadayon ang paghatag serbisyo para sa maayong kaugmaon sa mga estudyante sa tibuok Dapitan.(IKEN B. GULLEM)
Photo courtesy: Mayor Belen Uy