Mitubag dayon ang Shift B Emergency Medical Services (EMS) personnel sa Liloy Municipal Fire Station, ubos sa pagpangulo ni Fire Inspector Dave C. Dela Cruz, sa usa ka vehicular accident sa Barangay Baybay, Liloy, Zamboanga del Norte.
Pag-abot sa lugar, nasuta sa mga personahe ang biktima nga naglingkod ug husto ang kahimtang, conscious, pero adunay mga gagmay’ng gasgas sa wala nga tuhod ug tiil. Dali dayun kaning gitabangan arun masulod sa ambulansiya og makapahuway para makadawat dayon og tukmang pag-atiman.
Gilimpyohan daun sa mga niresponde ang samad gamit ang povidone-iodine ug gitaud ang sterile dressing aron mapugngan ang pagdugo. Nagpakita usab og kahapsay ug kapaspas nga koordinasyon ang maong team sa ilang padayon nga katungod sa pagpanalipod sa kahimsog ug kaluwasan sa komunidad.(JENIFFER JR. DELICA)
Source/Photo Courtesy: BFP R9 Liloy Fire Station