Atol sa usa ka courtesy call nga gihimo sa World Bank ug mga nasyonal nga ahensya, gipalig-on niini ang ilang panagtambayayong sa Probinsyal nga Pangagamhanan, ilabina ngadto kang Gov. Darel Dexter T. Uy sa Provincial Capitol sa Dipolog City.
Tumong mini aron mapadali ang implementasyon sa Philippine Multi-Sectoral Nutrition Project (PMNP) ug palig-onon ang kampanya batok sa malnutrisyon.
Kauban sa delegasyon ang mga representante gikan sa Department of Social Welfare and Development, Department of Health, UNICEF, National Nutrition Council, ug Department of Economy, Planning and Development.
Lakip sa gihisgutan ang paghatag og weighing scales sa health centers ug digital devices alang sa Barangay Health Workers aron mas episyente ang pagmonitor sa nutrisyon sa komunidad.
Gipasalamatan usab ni Gobernador Uy ang padayon nga suporta sa mga partner ug giingong ang lig-on nga koordinasyon maoy yawe sa mas himsog nga Zamboanga del Norte.(IKEN B. GULLEM)
Source: Zamboanga del Norte Provincial News Network