Mitambong ang mga school heads ug education supervisors gikan sa lain-laing dibisyon sa Zamboanga Peninsula sa lima ka adlaw nga Expansion Training sa Revised K to 10 Curriculum Implementation nga gipahigayon sa Guillermo Hotel, Pagadian City.
Gipangulohan sa DepEd Region IX, ang training nagtumong sa pagpalig-on sa instructional leadership ug pagpasabot sa mga kausaban sa kurikulum, lakip ang mas dakong gibug-aton sa literacy, numeracy, ug socio-emotional skills.
Pinaagi sa diskusyon ug workshops, napalambo ang kahibalo sa mga lider sa paggiya sa mga magtutudlo sa transisyon sa bag-ong kurikulum.
Gilauman nga andam na sila sa epektibong pagpatuman sa Revised K to 10 Curriculum sa ilang mga distrito alang sa mas estudyante-sentrong edukasyon.(IKEN B. GULLEM)
Source: DepEd Tayo – Division of Dapitan City