Gitanyag sa Land Transportation Office pinaagi sa LTO Cinco Majestuoso ang libre nga Theoretical Driving Course alang sa mga gustong magkuha og Student Permit sa Piñan Gymnasium sa lungsod sa Piñan, Zamboanga del Norte.
Ipatuman ang maong kalihokan sa Sabado, Pebrero 21, 2026, alas una sa hapon. Usa lamang ka balidong dokumento sama sa birth certificate, marriage contract, national identification card, o pasaporte ang gikinahanglan sa pag-apil sa programa.
Libre ang Theoretical Driving Course, samtang adunay bayronon nga 250 pesos alang sa Student Permit 600 pesos alang sa medical examination. Ang kalihokan gihimo sa panaghiusa sa Lokal nga Pangulohan sa Piñan isip kabahin sa Serbisyo Caravan aron mas mapadali ang paghatag og serbisyo sa katawhan.(JENIFFER JR. DELICA)
Source: Piñan Zamboanga de Norte