Mipahigayon og Fire Square Roadshow ang Dapitan City Fire Station Shift B Personnel sa Mindanao Auto Technical Skills Training Center Incorporated sa Barangay Dawo, Dapitan City niadtong Pebrero 9, 2026.
Gipangulohan ni Fire Senior Inspector Rommel M. Rojas, Registered Electrical Engineer ug Acting City Fire Marshal, ang kalihokan nga nagtumong sa pagpalig-on sa kahibalo ug kahandam sa mga partisipante batok kalayo ug uban pang emerhensiya.
Lakip sa mga kalihokan ang fire safety lecture, hustong paggamit sa fire extinguisher, ug EDITH o fire drill aron mapalambo ang paspas ug husto nga pagtubag sa mga trabahante sa oras sa insidente.
Gihatag kabug-aton sa Bureau of Fire Protection nga ang maong inisyatiba kabahin sa ilang padayon nga kampanya sa fire safety awareness, community education, ug disaster readiness. Nagpasalamat usab ang Dapitan City Fire Station sa pamunuan sa MATSCI tungod sa ilang aktibong partisipasyon ug kooperasyon sa kalampusan sa kalihokan.(JENIFFER JR. DELICA)
Source: BFP R9 Dapitan City Fire Station