Aron mapalapdan ang akses sa komunikasyon ug mapauswag ang paghatag og serbisyo publiko sa mga hilit nga lugar, gipadayon sa Zamboanga del Norte 2nd Provincial Mobile Force Company ang inisyatiba sa pagdala og libreng internet connectivity alang sa Geographically Isolated and Disadvantaged Areas (GIDAs) ubos sa Department of Information and Communications Technology (DICT).
Niadtong milabay nga adlaw, gipangunahan ni Ahmad Khan Macam, R-PSB Focal Person, ubos sa superbisyon ni Edwin D. Verzon, Force Commander sa ZN 2nd PMFC, ang usa ka inquiry kabahin sa proseso sa aplikasyon sa maong programa.
Gihimo ang koordinasyon uban ni Mae T. Molina sa DTC Building sa Fatima, Liloy, diin gihisgutan ang mga requirements, pamaagi, ug implementasyon sa libreng internet services, ilabi na sa mga target nga komunidad.
Matud pa kini nga lakang gitumong sa pagpalig-on ug kasaligan nga koneksyon sa mga lugar nga kulang sa communication infrastructure, aron mapadali ang pagpakig-ugnayan, pagpaabot sa impormasyon, ug pagserbisyo sa katawhan.(IKEN B. GULLEM)
Source: Zamboanga del Norte 2nd PMFC