Gipahibalo sa lokal nga pangagamhanan sa Sindangan pinaagi sa Municipal Anti-Drug Abuse Council (MADAC) ang usa ka Poster Making Contest alang sa mga estudyante sa Elementary ug Junior/Senior High School sa munisipyo. Kini nga kalihukan kabahin sa pag-obserbar sa 2025 Drug Abuse Prevention and Control (DAPC) Week nga may temang: “Sa Bagong Pilipinas, Kalusugan ay Pinapahalagahan, Droga ay Inaayawan.”
Ang contest ipahigayon karong umaabot Nobyembre 20, 2025, alas 9:00 sa buntag hangtod alas 4:00 sa hapon sa 3rd Level, Sindangan People’s Government Center. Ang mga kategorya mao ang Elementary Level ug Junior/Senior High School Level, nga matag-usa adunay 10 ka partisipante.
Ang contest on-the-spot, ug kinahanglan matapos ang poster sulod sa gihatag nga oras. Samtang, kinahanglan malinaw nga nagpakita sa tema, nga naglangkob sa Drug Prevention, Health Awareness, ug Children’s Rights and Welfare.
Ang entries husayon base sa Relevance sa Tema (40%), Creativity & Originality (30%), Visual Impact & Presentation (20%), ug Neatness & Technique (10%). Usa ka winner matag kategorya ang makadawat ug ₱5,000 + Certificate of Recognition, samtang ang non-winners makadawat ug ₱1,000 + Certificate of Participation. Samtang, i-anunsyo ang mga winners sa Nobyembre 21, 2025 pinaagi sa text ug sa official Facebook page sa LGU, ug i-award sa Municipal Flag Raising Ceremony karong umaabot Nobyembre 24, 2025.(IKEN B. GULLEM)
Source: Local Government Unit of Sindangan
